| Joan López Stiúrthóir: Sunday at Five |
 |
Rinne Joan López (Barcelona, 1969) staidéar ar stiúrthóireacht ag CEEC (1988) agus fótagrafaíocht ag Centre Calassanç/ESCAC (1988-1990) i mBarcelona. Bhí sé ina oibritheoir ceamara, stiúrthóir fótagrafaíochta agus stiúrthóir ó 1990 i sraitheanna teilifíse, cláir faisnéise agus gearrscannáin. Fá láthair tá sé ag díriú ar scannán faisnéise cruthaitheach. Is iad na saothair is úra dá chuid ná Pinturas a la bestia (1990), A table, a chair and a bed (1992), Gi-SRA (El camino del agua) (1998), agus Los hermanos Oligor (2004), scannán 85 bomaite fá dhomhan na ndeartháir Oligor, ar ar bronnadh gradam Docupolis 2005 is gradam féile Malaga '05. Fán am seo tá Los hermanos Oligor ar taispeáint i roinnt mhaith pictiúrlann sa Spáinn. Tá sé á eisiúint ag Karma Films. Ba é Utopia 79 (2006) a chéad léiriúchán roimhe sin, scannán faisnéise fá Bharcelona agus réabhlóid na Sandinistas.
Aíonna
