Guth Gafa Documentary Festival 2008

Red Mist
Éireann, 2007, 58 nóim
Stiúrthóir: Éamon Little

Fri 16th • Cinemobile • 9:45pm

Is beag Éireannach a dhéanfaidh dearmad a choíche ar Saipan, mí na Bealtaine 2002, agus an t-easaontas ba mhó riamh i sacar na hÉireann. Cé mhéad, áfach, a bhí ar an eolas caidé a tharla ar an oileán beag sin san Aigéan Ciúin? Cén dóigh ar tharla sé go ndíbríodh ár gcaptaen agus an t-imreoir ab fhearr ar an fhoireann abhaile ón Chorn Domhanda ag ordú a bhainisteora féin Mick McCarthy, díreach naoi lá roimh ár gcluiche oscailte sa chomórtas?
Ag baint úsáide as beochan chun léiriú a thabhairt ar an ghnáththeaghlach Éireannach le linn na linne suaite sin, agus le cuidiú Eamon Dunphy, Tommie Gorman, Marian Finucane agus daoine eile, léiríonn an clár seo meon an náisiúin i rith na seachtaine dodhearmadtha sin.
Blúire éadrom gheanúil is ea Red Mist ar sheachtain urghnách i saol náisiúin a bhí cráite ag an aighneas idir beirt fhear mhóra i mbrístí gearra ar an taobh eile den domhan.