Guth Gafa Documentary Festival 2008

Seaview
Éireann, 2008, 82 nóim
Stiúrthóirí: Nicky Gogan, Paul Rowley

Sun 18th • Cinemobile • 12:00pm

Uair an chloig thuaidh ó Bhaile Átha Cliath tá dornán foirgneamh liath suiminte cois farraige a bhfuil cuma an-aisteach orthu, le dorais ghealdhaite agus seanmharcaíochtaí meirgeacha. Mosney atá ann - iar-champa samhraidh de chuid Butlin's go dtí le gairid, áit a dtéadh teaghlaigh Éireannacha ann chun éalú ón ghnáthchúrsa laethúil oibre agus a scíth a ligint. Pictiúr eile ar fad a léiríonn cuairt ar Mosney inniu, ach pictiúr éalaithe go fóill. Tá an seanchampa saoire anois ina champa de shaghas eile, ionad coinneála d'iarrthóirí tearmainn ó achan chearn den domhan. Anseo fanann an lucht cónaithe úr blianta le haghaidh torthaí a n-iarratas tearmainn. Ar a dteacht anseo, conas mar a éiríonn leis na daoine díláithrithe seo titim isteach ar an timpeallacht nua? Cén tionchar a mbíonn ag an choimeád fadtéarmach seo ar a n-uaillmhian, ar a sláinte intinne? An bhfuil tús leighis le fáil anseo, nó an gcruthaíonn an éiginnteacht crá croí úr? Agus cén dóigh a d'aistrigh spiorad na féile le foireann an champa lena gcléint nua, cuid acu ag obair agus ag cónaí anseo le daichead bliain anuas?