Guth Gafa Documentary Festival 2008

Shadow of the Holy Book
An Fhionlainn, 2007, 90 nóim
Stiúrthóir: Arto Halonen

Fri 16th • Cinemobile • 7:30pm

Fiosraíonn Shadow of the Holy Book moráltacht na gcomhlachtaí idirnáisiúnta agus an deachtóireacht atá i gceannas ar réigiún saibhir in ola agus gás i dTuircméanastáin. Cabhraíonn na comhlachtaí seo chun tacaíocht bolscaireachta a thabhairt don deachtóireacht, tacaíocht atá de dhíth uirthi chun fanacht i gcumhacht. Tá leabhar áiféiseach scríofa ag Saparmurat Niyazov, deachtóir Tuircméanastáin: an Ruhnama, nó an Leabhar Anama, uirlis lárnach de chuid an rialtais chun cearta daonna agus saoirse cainte a choinneáil faoi chois. In ainneoin sin, is iomaí comhlacht idirnáisiúnta a bheireann a dtacaíocht fholaitheach don Ruhnama agus a chuidíonn leis na guthanna agóide a chur i dtost - ar son margaí ollmhóra gnó, dar ndóigh. Leanann an scannán dlíodóir/údar Kevin Frazier agus stiúrthóir an scannáin Arto Halonen agus iad ag taistil ón Eoraip chuig Tuircméanastáin, agus an bealach ar fad chun na Stát Aontaithe. Tá na déantóirí scannán ag cuardach comhlachtaí ag feidhmiú i dTuircméanastáin, go háirithe iad siúd a d'aistrigh na leabhair Ruhnama go dtí a dteangacha féin agus, dá bhrí sin, a thacaigh leis an deachtóireacht ar an dóigh is seafóidí atá ann. Léiríonn an scannán an staid faoi láthair i dTuircméanastáin fosta, éifeachtacht an leabhar Ruhnama agus eiticí na gcomhlachtaí ann. Déantar é seo fríd an lucht agóide agus na teifigh, léir mhór acu a d'fhulaing géarleanúint, céasadh agus iarrachtaí feallmharfóireachta beartaithe ag rialtas na tíre.