Guth Gafa Documentary Festival 2008

An Táilliúir Gorm
Éireann, 2008, 52 nóim
Stiúrthóir: Mike Grodner

Fri 16th • Óstán Loch Altan • 12:00pm

Scéal oileáin bhig Inis Bhigil agus a stair speisialta féin. Fá cheilt idir scáth Oileán Acla agus cósta thiar Mhaigh Eo, tá an chuma ar an áit go bhfuil sé caillte sa tsean-aimsir. Gan rochtain ar bith seachas bád oscailte thar cuid de na sruthanna is contúirtí san Eoraip, ní hiontas ar bith é gur tháinig meath ar phobal an oileáin le blianta anuas. Gan ach trí dhúchasach is fiche fágtha, tá lucht cónaithe an oileáin anois tagtha chun crosbhealaigh.
Iar-mháistir scoile agus ceann de na daoine is sine ar an oileán, déanann Paddy Henry aithris ar scéal an fhile Pádraig Ó Daibheád, ceann de na chéad daoine a chónaigh ar Inis Bigil, an Tailliúr Gorm. Fríd a léargas nochtann sé stair agus oidhreacht shuntasach an oileáin sa cheol, san fhilíocht is san fhírinne. Mar an t-aon oileán Éireannach a bhí Protastúnach agus a labhair Gaeilge leis tá pearsantacht dá chuid féin ag baint leis an áit, ní nach ionadh.